澳门一日游攻略(从拱北口岸到澳门一日游攻略)
知道大家都等唔切啦哈哈哈
因为图有小小多
所以整理左比较耐
今日嘅文章我去澳门嘅游记
虽然有小小流水账但都系我真实感受
(额澳门一日游攻略,而且今日嘅图都系原图澳门一日游攻略,冇加工哈哈哈)
准备好wifi未!
马上上菜~
一大早就从广州以太广场出发
去到拱北关口大概要2.5小时
过关嘅话如果澳门一日游攻略你系IC卡非常快
基本上唔需要排队
10分钟搞定两个关
出澳门关之后左手边好多免费bus
第一站我地计划去大三巴附近嘅玛嘉烈葡挞
先坐免费车去英皇宫殿
然后跟住地图行
碰碰带路tips
下载百度地图嘅离线地图
冇网络开住GPS就可以定位导航
各店嘅地址我琴日已经安利过啦
大家可以查好然后收藏
咁就冇网都可以导航
从英皇宫殿行大概10min
到达第一个目的地玛嘉烈葡挞
但系因为系中秋公休所以冇开门(哭哭/(ㄒoㄒ)/)
隔黎就有恒友鱼蛋同大利来记猪扒包
本身并唔想食恒友鱼旦
因为网上评价唔太好
但系因为太饿
就买左三串
一共31HKD
各种丸基本都系10HKD
碗要1HKD
点左芝士丸海胆丸同虾丸
超级正
丸嘅质感同广州呢边食嘅完全唔同
而且最后淋上去嘅咖喱汁先系精华
超级浓香
全部丸都系咖喱汁入边得到升华~
跟住就往大三巴嘅方向行
大概10min
跟住导航到达潘威记
本身想食水果挞同蛋糕
好诱人啊真系
但系一淋到
呢样先系我地食嘅第二样
如果食太多滞左点算!
等阵仲有好多野等住我食噶嘛!!
所以都系食左焦糖布丁
呢个焦糖布丁上次食完就念念不忘
可以称得上系我食过最最最好食嘅布丁
我下次黎仲要再食!
细腻嘅口感
浓浓嘅鸡蛋香
美腻嘅外表
一点都唔漏
超级无敌好食
我食嘅时候仲有外国人问我系边度买噶
12HKD一只
跟住我妈妈话有d饿
要去食杨六牛杂粥
呢个虽然好食但系我实在太难讲比你地知点样稳
想食嘅同学带上钱带上我吧哈哈哈
深藏小巷嘅美食
食唔食到就要睇缘分啦
我地去到嘅时候太早所以冇开门
建议大家都系下午先去
返回营地大街市场
四楼有好多熟食档
虽然简陋但系比人感觉干净卫生
而且价格比较亲民
因为中秋所以好多档都冇开
原计划要食嘅梓记牛杂冇开
见到有一间叫平记美食
好多人食
刚好见到有人点椒盐骨炒面
睇上去好正
我又点左一份哈哈哈
45HKD(节假日加收3HKD)
好正
超级够镬气
面啱好有d香但唔至于干
芽菜嘅生熟拿捏得啱啱好
上面嘅椒盐骨唔系排骨果种骨有好多肉
走完油超级香
呢度仲有好多港式饮品同小食
价格相对黎讲比较亲民
口渴了
去七仔买野饮
系香港澳门台湾都超级爱七仔
因为总系会有好多呢边饮唔到嘅饮品哈哈哈
呢个朱古力奶超级正
买嘅时候刚好特价11.5HKD2盒
唔会死甜烂甜
饮得出朱古力嘅浓香
微微带d朱古力自有嘅苦
回味悠长
比麦当劳嘅朱古力仲要好饮
饮完就往大三巴方向行
路过玫瑰堂
同之前系网上睇嘅差唔多
唔多人
因为大三巴黎过好多次
所以我同妈妈嘅兴趣都唔系好大
从大三巴导航行去十六浦娱乐场
大概要10min
十六浦娱乐场坐免费车翻关闸
关闸最多人等嘅应该系威尼斯人
澳门巴黎人9.13先开幕
有个小巴黎铁塔
我就想去睇下
就从关闸搭澳门巴黎人嘅免费车过去
澳门巴黎人真系好靓
超级奢华
比威尼斯人要靓
好似个大皇宫咁
但系感觉上冇威尼斯人咁大
如果你系想购物我都系推荐威尼斯人
上去个巴黎铁塔要收费
入口系五楼
周围都有明确嘅标示指引你上五楼
如果只系想远距离观赏
去一楼行出去室外就得
我地系下午去
觉得还好吧(太晒了太热冇咩心情睇)
其实应该晚上熄灯仲靓
跟住就从澳门巴黎人搭穿梭bus去威尼斯人
本黎想食安德鲁葡挞
但系...
再次系入边迷路
然后放弃了
从威尼斯人去官也街好近
大概都系10min
行到银河娱乐场门口个公交车站过马路冇几远就系官也街
第一站系去沙度娜食木糠布丁
我妈冇比木糠布丁吸引
反而比隔黎间七仔吸引左
买左维他苹果茶
6.5HKD
好好饮
好清爽但系唔会好甜
感觉上咁热天食木糠布丁会好难啃
所以就放弃左(留翻下次)
去到官也街
晃记饼家排晒长龙
其他饼店都唔使排
我地冇打算买饼
所以就路过一下
本身想买个莫义记比我妈妈试试
但系刚刚饮完苹果茶
我妈话唔想食咁漏嘅野
就放弃左
莫义记隔黎就系长洲平记
虽然我妈一直唔愿意食甜嘅
但系我坚持买左一只芒果糯米糍!
各种糯米糍基本都系15HKD一只
仲有几款其他甜品
呢度嘅糯米糍真系我食过最好食嘅糯米糍了
大大只
可以占满我一个手心
然后皮糯但唔黏牙
入边嘅馅系一块大大嘅芒果
超级多汁超级甜超级满足啊!!!
食完仲想食...
我觉得我放开食可以食3只!
完全靠水果嘅甜味
唔似我地呢边食嘅落好多糖
原谅我太激动冇对好焦
我只想话比你地知距有几大只
虽然15HKD一只
但系我觉得性价比几ok
非常值得食
我相信你一定会上瘾
本身话要食大利来记
大利来记宜家40几HKD一只包
而且仲要限量...
我宁愿去食多碟椒盐骨炒面了哈哈哈
而且已经冇地方装呢个包了
所以就冇食
跟住翻转头去七仔又买左蜂蜜柠檬茶
呢个我唔知广州七仔有冇
(感觉上未见过)
好好饮啊~
真系蜂蜜味~
有蜂蜜嘅中和
更加好味
9HKD
官也街只有新濠影汇嘅bus
我地就从官也街坐翻新濠影汇
然后从新濠影汇翻新丽华
新丽华就系英皇宫殿隔黎(大三巴果边)
最后系超市买完零食就坐公交翻关口!
3.2HKD一个人~
今日食一日落黎两个人用左大概140蚊HKD
平均每个人70HKD
不过我地都系食嘅小食居多冇食正餐
可能男仔嘅话比较大食就唔止呢个价钱
本身打算食葡国菜噶
但系我妈妈就系惊一餐饱到上心口食唔到其他
所以就话下次先食啦哈哈哈
今日就先到呢度
澳门游玩实用攻略整理ing
听日嘅实用攻略会有以下内容
澳门娱乐场免费bus实用信息
分享我买左d乜
其他杂七杂八嘅小tips
敬请期待~
你有什么想去的地方?
你想知道哪里的攻略?
小编哪里还做得不够好?
欢迎在公众平台留言
或者私信我哦~
私人微信:KuangRenLY
么么哒(づ ̄ 3 ̄)
内容转载自公众号
潮爆旅游
了解更多